Agenda

KALTE KOLEKTIBOA sei gaztek osatzen dugun antzerki konpainia da: Omar Somai Lasa, Gaizka Sarasua Sorondo, Iholdi Beristain Martínez, Ander Lacalle Pérez, Eider Villalba Arrieta eta Oihan Carramiñana Zaldua.

TAE-n (Donostiako Arte Eszenikoen Tailerra) ezagutu genuen elkar, ondorioz gure sorkuntza dinamikak jolasean datza batez ere.

Taldearen kontzeptuari eta horizontaltasunari garrantzia eman nahi diogu. Egiten dugun heinean sortzen dugu, eta elkarrekin zuzentzen gara. Guretzat, antzerkia adierazpen-jolas bat da, iruditzen zaigulako abiadura frenetiko eta produktiboko bizitza honetan, jolasteko denbora bilatzea eta, horrela, sentitzea iraultzailea dela. Eta batez ere, dibertigarria!

2023an taldea eta gure lehenengo antzezlana sortu genuen, “Fikziohesioa”. Honek, Bilboko Pabellon 6-eko Antzerki Arineko Lehiaketaren 10.edizioko Antzezpen Onenaren Saria jaso zuen.

Sinopsia: Talde batean kohesioa lortzea batzuetan ez da erraza izaten, baina beharrezkoa da. Ideiarik gabeko sei aktore hauei egur xafla batek kohesiorako bidea irekiko die. Egur puska horri esker, triziklo eta aizkora batekin aurkituko dira, saskibaloi partida itzela jokatuko dute eta mikrofono pare batekin casting batean parte hartzeko aukera izango dute. Horrez gain, eraztun boteretsu baten menpe egongo dira eta hori desiratzen duen begi zahar handi batengandik ihes egin beharko dute. Xafla honek duen magia eta fikzio hauei esker, lortuko al du talde honek kohesioa?

Kalte Kolektiboaren emanaldi hau Katapulta Tour Gipuzkoa 2024 programaren eskutik dator.

104. haurra umezurztegi batean dago adoptatua izateko irrikitan.

Egoera berean dauden beste neska batzuk bezala, arropa egiten ematen ditu egunak. Egun batean, beste neska bat iritsiko da eta badirudi ez datorrela bat 104 haurrak lanagatik duen ilusioarekin. Hala ere, adopzio-familia batek aukeratu nahi duenak gogor lan egin beharko du eta dena primeran egin.

Haietako bakoitzak aurkituko al du maite dituen familia bat?

ZUZENDARITZA ARTISTIKOA: Jokin Oregi

AKTOREAK: Eva Azpilikueta eta Laura Villanueva

ESZENOGRAFIA: El Punto Gunea

MUSIKA SORKUNTZA: Adrian García de loso Ojos

SOINUA ETA ARGIZTAPENA: David Lainez

JANTZIAK: Aihora Ganuza - Hari & Ari

50 minutu

5 urtetik aurrera

Inprobisazioa oinarri duten bi sormen alor uztartuko dira: klowna eta bertsoa. Beatriz Egizabal umoregile feministak egingo du gidari lana eta bera arduratuko da bakarrizketa laburren bidez bertsolariei gaiak proposatzeaz.

Lau ahots elkarlanean arituko dira umoretik eta feminismoz. Bertso saio baten ohiko moduari eutsiko zaion arren, Beatriz Egizabalen egiteko moduen bertsolariei oholtzan egoteko modu berri bat eskatuko die. Saio dinamiko eta berritzaileak dira, giro askotara egokitzeko saioak.

Menina, pertsona baten, askoren, guztien istorioa da. Txikitan bere ikaskideek lodia deitzen hasi zitzaizkion… Badakizu, ume-kontuak, ezta? Institutura iristean bere lekua aurkitu zuen: “Taldeko balea”. El Pradoko Museora egindako txango batean superlatibo eta kalifikatzaile berriak hartu zituen. Guztien artean, “Menina”rekin geratu zen. – Bai, noski -esan zuen bere artean-, Velázquezen obra PUTA bat naiz. Beraz, jaten eta gizentzen hasita, urteekin, mundua jan eta eszenatoki baten gainean bere egoa gizentzea erabaki zuen.

•  Jatorrizko ideia: Pedro Luis López Bellot, Sergio Adillo y J.P. Cañamero.
• Zuzendaritza: Pedro Luis López Bellot
• Aztzezlea: Nuqui Fernández
• Adaptazioa eta adaptazioa: Pedro Luis López Bellotx
• Jantzia: Rafael Garrigós
• Musika: Álvaro Rodríguez Barroso
• Iluminazioa: Pedro Luis López Bellot y Jorge Rubio
• Soinua: Álvaro Rodríguez

AZAROAK 14 Solasaldi poetikoa. Partaideak

TERE IRASTORTZA GARMENDIA

Tere Irastortza Zaldibia, Gipuzkoa 1961, euskal idazlea da. Bere poema liburu batzuk Kritika Saria jaso zuten. Poemak, hainbat antologiatan bildurik, italierara, gaztelerara, frantsesera, ingelerara, katalanerara eta gailegora itzuliak izan dira.

Tere Irastortza - Wikipedia, entziklopedia askea.

JOSEBA SARRIONANDIA URIBELARREA

Joseba Sarrionandia Uribelarrea Iurreta, Bizkaia1958, euskal idazlea da. Olerki eta narrazio laburren hainbat liburu idatzi ditu, baita eleberri batzuk ere. Itzulpengintza, saiakera landu du ere.

Sarrionandia Uribelarrea, Joseba - Auñamendi Eusko Entziklopedia (eusko-ikaskuntza.eus)

Joseba Sarrionandia - Wikipedia, entziklopedia askea.

AZAROAK 16 Poesia errezitaldia.

BEÑAT ARRUTI IRIGOIEN

Beñat Arruti Irigoien Zarautz, 1999.

Euskal Herriko Unibertsitatean (UPV/EHU) burutu zituen Psikologia ikasketak, Bartzelonara Ikerketa eta Esku-hartze Psikosozialeko Masterra egitera joan aurretik.

2024ko Donostia Kultura VII. Poesia Lehiaketa irabazi du Arkeologia haragitan, poemarioarekin

Beñat Arrutik irabazi du Donostia Kultura VII. poesia lehiaketa (argia.eus)

GARAZI UGALDE PIKABEA

Garazi Ugalde Pikabea, Lezo, 1988

Euskal Herriko Unibertsitatean Itzulpengintza eta Interpretazioan lizentziaduna da 2011z geroztik. Gainera Hizkuntzalaritzan eta Euskal Filologian masterduna da. Hainbat lan argitaratu ditu, hala itzulpenak nola berak idatzitako lanak.

Garazi Ugalde - Wikipedia, entziklopedia askea.

JUAN CARLOS MESTRE

Juan Carlos Mestre Villafranca do Bierzo León 1957, poeta, grabatzaile eta saiakeragile. 2018an Gaztela eta Leon Letren Saria eman zioten bere bizi osoko lanaren omenez. Beste sari garrantzitsu batzuk ere baditu, hala nola 2009ko Poesia Sari Nazionala (2009), La casa roja liburuagatik.

Juan Carlos Mestre - Wikipedia, entziklopedia askea..

Errezitaldiaren amaieran, musika kontzertu laburra: ITSASNE FERNANDEZ, klarinetea; JON MAKUSO, biolina eta  TOMÁS RUTI, fagota.

Emakume 1, emakume 2, emakume 3, kanpai hotsekin batera, puntual elkartzen dira merienda mahai baten inguruan. Tisana, pasta, azukre eta pastelitoz betetzen dituzte gorputzak, beraien egunerokotasunaz hitz egiten duten bitartean.

Ba ote dakite beraien bizitza beste norbaitek kontatua izan dela? Zein begiradatik izan dira sortuak emakume hauek? Nork idatzi du tinta lodiz historia? Historia kontatu diguten bezalakoa da?

Nork mugitzen ditu emakume hauen kortseen hariak?

• Zuzendariak: Erika Olaizola, Iraia Elias, Amancay Gaztañaga
• Zuzendaritzan bidelagun: Espe Lopez
• Aktoreak: Iraia Elias, Amancay Gaztañaga, Erika Olaizola
• Testua: Amancay Gaztañaga, Erika Olaizola, Iraia Elias
• Testuaren orrazketa: Miren Amuriza
• Kanpo begirada: Miren Gaztañaga
• Jantziak: Barbara Rasso
• Zuzeneko musika: Amancay Gaztañaga
• "Izaki berria" kanta: Odei Barroso
• Irudigintza: Kulturaz Kooperatiba
• Kartela: Idoia Beratarbide
• Argiztapenaren diseinua: Miriam Ubanet, Ana Da Graça
• Teknika: Uhina
• Konpainiak: Kamikaz Kolektiboa, Ttak Teatroa
• Ekoizpena: Kulturaz Kooperatiba
• Banaketa: Goizane Barroso
• Iraupena: 70 minutu