Udalak herriko haurren jolastokiak hobetu eta berritu ditu

2017ko Martxoak 16
jolastokia

Lezoarren bizi kalitatea hobetzeko konpromisoarekin, herriko haurrei jolasleku egoki, seguru eta atseginak eskaintzeko asmoz, Udalak herriko jolastokiak hobetu ditu. Besteak beste, Sagardiandiako, Lopeneko eta Zubitxoko parkeak berritu dira.

Jolasleku seguruago eta atseginagoak eskaintzeko helburuarekin eta parkeen egoera hobetzeko, joan den urtean Lezoko Udala udalerriko jolastokiak berritzeari eta egokitzeari ekin zion. Pertsonak izanik udal jardunaren ardatz nagusia, tokiko gobernuak lehentasunezko gaitzat hartu zuen hobekuntza horiek egitea.

Besteak beste, Sagardiandiako, Lopeneko eta Zubitxoko jolas-parkeak berritu dira eta horietan zoru eta haurrentzako jolas berriak ezarri dira. Beste kasu batzuetan, erabileragatik zaharkituta zeuden jolasak eta zoruak ordezkatu dira.  Datozen hilabeteetan hobekuntza lanak gauzatu dira Isastiko zein Altamirako jolastokietan.

“Udalak haurrei euren denbora libreaz gozatzeko jolas eremu egokiak bermatu behar dizkie” azpimarratu du gobernu taldeak, “horregatik, joan den urtean parkeak berritzen hasi ginen eta hobekuntza lan horiek jarraipena izango dute aurten ere.  Era berean,  udaran aurrera eramango den Herri Eskolako jolastokia estaltzeko proiektuari ere lehentasuna eman diogu”. Proiektu horrek helburu du Lezoko herritarrek aisialdirako eremu berria izatea eta eskola orduetatik kanpo erabili ahal izateko aukera bermatzea.

“Lantzen ari garen proiektu guztiek dute helburutzat herritarren egunerokotasuna eta bizi kalitatea hobetzea” azpimarratu dute.

 

Bidali iruzkin berria

Eremu honetako edukia pribatua da eta ez da webgunean erakutsiko
Spamaren kontrako filtroa
Galdera hau SPAMa saihesteko baino ez da. Idatzi mesedez kopurua zenbakiak erabiliz.

Lan-Eskaintzak

Faktura Elektronikoa

Diru laguntzak

Kontsultatu hemen diru laguntzak

Eskaera orria

  • Eskeraren bat egin nahi izanez gero, etxean bertan bete dezakezu dokumentua eta ondoren udaletxera eraman.
    Eskaera orria deskargatu

Tramiteak Online

  • Udalak herritar guztien eskura jarri du atari hau, kontsulta eta eragiketa pertsonalak udaletxera joan gabe egin ahal izateko.
    Gehiago irakurri

Eskakizunak eta Iradokizunak

Theme by Danetsoft and Danang Probo Sayekti inspired by Maksimer