Lezo Herri Eskola aurreko zoladura egokitzeko lanak ari da burutzen Lezoko Udala. Galtzada-harrizko zoladuraren egoera ez da egokiena, galtzada-harri asko solte baitaude urteen ondorioz. Horrek, bertatik igarotzen diren herritarrengan deserosotasuna sortzen du.

Horri irtenbidea emateko, aske dauden galtzada-harriak altxa eta azpiko geruza egonkortuko dute. Horrela, galtzada-harriak ez dira solte egongo, bertatik oinez igarotzea erraztuz.

Lan horiek burutzeko, udalak 20.227,57 euroko inbertsioa egingo du.

Beste mantenu lan batzuk ere ari da burutzen Lezoko Udala Lezo Herri Eskolan opor garaia aprobetxatuz. Sarrera eta pasiloak margotzen ari da, adibidez. Margoketa lan horiek 14.822,50 euroko aurrekontua dute.