Ttakun Kultur Elkarteak Lezoko hezitzaileentzat lan-poltsa ireki du. Udalekuetan, Ludotekan, Kuadrillategi edo Faktorian eta Lezo Institutuan zein Pasaia-Lezo Lizeoan euskara errefortzu saioetan lan egiteko hezitzaileei zuzendutako lan-poltsa da. 

Lezoko aisialdi programa horietan hezitzaile lanetan aritu nahi duten pertsonek izena eman dezakete lan-poltsan dagoeneko.

Izena emateko, interesdunek galdetegi hau bete eta CVa kanpozerbitzuak@ttakun.eus helbidera bidali beharko dute.