2026. urtea (XIII. edizioa)

Partehartzaileak

Lezoko biztanleak edo Lezoko udal liburutegiko bazkideak:

• "A" maila: 6 eta 7 urtekoak.
• "B" maila: 8 eta 9 urtekoak.
• "D" maila: 10 eta 11 urtekoak.
• "E" maila: 12 eta 13 urtekoak.
• “F” maila: 14 eta 15 urtekoak.

Idazlanak

• Euskarazkoak.
• Edozein genero literariokoak: bertsogintza, olerkigintza, ipuingintza, kazetaritza, komikigintza...
• Gai librekoak.
• Inoiz argitara gabeak.
• Eta orrialde bakarrekoak (lerro kopuru librea).

Aurkezpenerako baldintzak

• Lana orri bakar batean aurkeztuko da.
• Orriaren goiko aldean izenburua idatziko da.
• Lan bakoitzeko gutunazal itxi bat aurkeztuko da (gutunazalaren kanpoko aldean: lanaren izenburua eta egilearen adina / eta barruko aldean: helbidea, telefonoa eta izen-abizenak).
• Lana kanpoan joango da, eta gutunazala lanari grapaz josita.
• Ikastetxearen izena dakarren lanik ez da onartuko.

Aurkezpenerako epea eta helbidea

• Epea: 2026ko irailaren 1etik azaroaren 20ra (biak barne).
• Helbidea: Lezoko udal liburutegia.

Epaimahaia

• Antolatzaileek izendatua.
• Epaia apelaezina.
• Gerta liteke sarietakoren bat eman gabe uztea, aurkeztutako lanek behar adinako maila ez izateagatik.
• Epaiaren berri Lezoko udal liburutegiko blogean emango da.

Sariak

• Hamar sari (maila bakoitzeko bi).
• Liburuak erosteko 100 euroko hamar bale.

Sariak ematea

2026ko abenduaren 11n, arratsaldeko 7:00etan, Lezoko udal liburutegian.

Lanak berreskuratzeko epea

• 2027ko urtarrilaren 31 bitartean, Lezoko udal liburutegian.
• Jaso gabeko lanak suntsitu egingo dira.

Oinarrien onarpena

Lehiaketan parte hartzeak oinarri guzti hauek onartzen direla esan nahi du.