2016ko urriak 3

Lezon, 2016ko urriaren 3an, astelehena, goizeko 09:00etan hasi du Tokiko Gobernu Batzarrak BILKURA OHIKOA udaletxeko Gobernu Batzar aretoan, lehen deialdian, Jesus Maria Martiarena Jaca alkatearen lehendakaritzapean, Maria Noemi Arberas Oses, Irlentz Ortega Ugalde, Miguel Angel Sanchez Antunez (EAJ-PNV udal taldea) eta Jose Angel Sanchez Gallardo (Eusko Sozialistak-Socialistas Vascos).

Idazkari gisa Xabier Loiola Aristi aritu da.

AKTA ONARTZEA.

  1. Egoki irudituz gero, 2016ko irailaren 19an egindako bilkurako akta onartzea.

Akta inolako aldaketarik gabe onartu da.

PERTSONALA

  1. Udal langile batek borondateko eretiroa eskatuz egindako eskaria ontzat hartzeko propsamena (2016PE100007).

Udal honetako langilea den J.M.A.M.k, 2016ko irailaren 19an erregistratu instantzian, indarrean dauden legeak eskaintzen dioten jubilatzeko aukeraz baliatuz, borondatezko jubilazioa onartzea eskatzen du 2016/12/31ko datarekin.

Eskari berean, Udalitzek bere 95. eta 96. artikuluetan adinagatiko borodatezko erretiroagatik eskaintzen dituen primak jasotzea eskatzen du.

Langile Publikoen Oinarrizko Estatutuak (67-2 art.), Funtzio Publikoaren Legeak (37-e art.) eta Udalhitzek, administrazio publikoko langileen jubilazioa arautzen dute, eta bertan zehaztu eta jasotzen dira, funtzionario publikoen borondatezko jubilazioa eta erretiro aurreratuarentzako primak.

Ikusirik, J.M.A.M.k, indarrean dagoen legediak borondatezko jubilazioa jasotzeko eskatzen dituen baldintzak betetzen dituela, Alkatetzak proposaturik Tokiko Gobernu Batzar honek ondorengoa ERABAKI DU:

BAT: Ontzat hartzea J.M.A.M.k eskatutako borondatezko jubilazioa, 2016ko abenduaren 31ko datarekin.

BI: Udalhitzen 95. eta 96. artikuluetan ezarritakoaren arabera, 6 hilabeteko soldata gordineko prima ematea adinagatiko borondatezko erretiro kontzeptuan, 18.055,14€

HIRU: Akordio honen berri ematea interesatuei.

HIRIGINTZA, OBRA ETA ZERBITZUAK

  1. Lezo Institutoa eta Lezoko Herri eskolako garraio zerbitzua mantentzeko kontratuaren lehen luzapena onartzeko proposamena. 2014ID170003)

Emilio Belintxon Soraluzek Autocares Belintxon,S.L.ren izenean, 2016ko irailaren 22an aurkeztutako idatziarekin 2016-2017 kurtsorako eskola garraioa zerbitzua luzatzea eskatu dio Lezoko Udalari.

Lezoko Udalak 2014ko irailaren 8an Tokiko Gobernu Batzordean Eskola Garraio Zerbitzua AUTOCARES BELINTXON, SLri esleitzea erabaki zuen bi urtetarako. Kontratua arautzen duen baldintza agiriaren arabera bi urteko epe hau beste bi urtez luza daiteke gehienez eta urtez urte.

Espedientea azterturik eta aipatutako zerbitzua egoki gauzatzen dela ikusirik, Hirigintza, Ingurumen, Obrak eta Zerbitzuetako Zinegotzi delegatuak proposaturik Tokiko Gobernu Batzar honek ondorengoa ERABAKI DU:

BAT: Lezo Institutora eta Lezoko Herri eskolako garraio zerbitzua mantentzea.

BI: 2014ko irailaren 8an Tokiko Gobernu Batzarrak Autocares Belintxon, S.L.ri esleitutako kontratua 2016-2017 kurtsorako luzatzea (izenpeturiko kontratuan aurreikusitako lehen luzapena aipatu zerbitzuaren kudeaketarako)

ALKATETZA ETA DELEGATUAK

  1. Alkateraren erabakien kontu ematea

Azken Gobernu Batzarra egin zen ezkero, 2016ko irailaren 19a geroztik, hartutako erabakien berri eman du alkateak.

GALDE ESKAERAK

Ez da izan galde eskaerarik.

Akataren bukaea.

Alkate-lehendakariak, aztertzeko ziren gai guztiak aztertu ondoren, 09:55ean eman dio bukaera bilkurari. Idazkari naizen aldetik, akta 1105979 eta 1243199 zenbakiak dituzten orri ofizialetan jaso eta fede ematen diot alkatearen oniritziaz.

Eguna