Ostegunean, ohiko Osoko Bilkura

Al, 2022-03-28 17:09

Arratsaldeko 19:30etan hasiko da, Udal Areto Nagusian

Datorren ostegunean, martxoak 31, ohiko Osoko Bilkura egiteko deialdia luzatu du Jesus Maria Martiarena Jaca alkateak. Arratsaldeko 19:30ean hasiko da, Udal Areto Nagusian.

Gai zerrenda:

1. 2022ko urtarrilaren 27an ohiko izaerarekin eta 2022ko otsailaren 23an ezohiko izaerarekin egindako bileren aktak onartzea.

2. III. Berdintasun Plana onartzeko irizpena.

3. Foru Aldundiaren eta Lezoko Udalaren arteko Etxez Etxeko Laguntzaren zerbitzuaren finantzaketarako hitzarmen berria onartzeko irizpena.

4. AGEM Consultores y Auditores S.L.k eginiko Bekoerrota-Altzate kirol instalazioen kudeaketa integralari dagokion ekonomi eta finantza bideragarritasunaren azterketa txostena onartzeko irizpena.

5. Terrazetako mahai eta aulkiei dagokienez, jabari eta/edo erabilera publikoaren erabilera pribatiboagatiko tasan % 50eko hobaria ofizioz aplikatzeko irizpena.

6. Ordenantza fiskalen aldaketa onartzeko irizpena.

7. Aurrekontu aldaketa onartzeko irizpena.

8. Aurrekontu aldaketen kontu ematea:

 2021 ekitaldiko aurrekontuaren aldaketa, kreditu gaikuntza

 2021 ekitaldiko aurrekontuaren aldaketa, kreditu transferentzia

 2022 ekitaldiko aurrekontuaren aldaketa, kreditu txertaketa

9. 2021eko udal aurrekontuaren likidazioa onartzen emandako dekretuaren kontu ematea.

10. Mozioak:

 EHBildu eta PSE-EE-k aurkeztutako mozioa: Mugiren tarifa eredua babestu eta sustatzeari eta mugi sistemaren tarifak sozial eta ekonomikoagoak izateko neurriak hartzeari buruzkoa

 EHBilduk aurkeztutako mozioa: Mendebaldeko Saharako gatazkari buruzkoa.

 Hainbat erakundek aurkeztutako mozioa: Abiadura Handiko Trenaren mega-proiektuaren ekimenari buruzkoa.

-EAJ aurkeztutako mozioa

 EUDELek aurkeztutako adierazpena: Ukrainaren aurkako azken erasoak gaitzesteko eta Europa osoko tokiko eta eskualdeko gobernuetatik elkartasuna helarazteko bere udalerriei.

11. Alkatearen, Organo Kolegiatuetako udal-ordezkarien eta Delegatuen txostenak.

12. Galde-eskeak.

Arloa edo saila