Haur jarduera

Lesoinu 2019: "Lau"

Eguna eta ordua
Lekua
Gezala Auditoriuma

Izeko Irina Petrova Siberiako Iparraldean bizi da. Han izugarrizko hotza egiten du, elurra ez da inoiz urtzen, beti negua dela dirudi. Izeko Irina, udaberria, uda eta udazkena ezagutzeko irrikitan zegoen, horregatik, hegazkin-txartel bat bidali nion eta bisitan etorri zen. Oso hunkigarria izan zen eta denetik gertatu zitzaion; margarita bat loratzen ikusi zuen, erle batek ziztatu zuen, itsasoan murgildu zen, suge bat ezagutu zuen…

Siberiara bueltatu zenean opari bat bidali zidan postaz, bere diskorik kutunena: Vivaldiren Lau Urtaroak. Entzuten dudan bakoitzean egun hoietaz oroitzen naiz. Faltan botatzen dut.

FITXA TEKNIKOA:

  • Sorkuntza: Leire Ucha Eta Maria Urcelay
  • Interpretazioa: Leire Ucha Edo Maria Urcelay
  • Musika: Antonio Vivaldi
  • Eszenografia /Jantziak: Leire Ucha Eta Maria Urcelay
  • Objetuen Sorkuntza: Javi Tirado
  • Zuzendaritza Laguntzailea: Javi Tirado
  • Zuzendaritza: Maria Urcelay
  • Iraupena: 50 minutu
  • Publiko mota: Haurrentzat
  • Banaketa: Teatro Gorakada

"Mr. Train"

Eguna eta ordua
Lekua
Gezala Auditoriuma

Bidaiariak trenera!

Tren honetara igotzen den oro, NOWHERE geltokian jetsiko da. Bertan, Mr. Train eta bere txakurra... bueno... bere txakurra... egia esan Mr. Train-i ez zaio batere gustatzen txakur hau, bizi dira. Eguna joan eta eguna etorri, Mr. Train-ek bere esku dagoen guztia egingo du txakurra geltokitik urrutiratzeko, baina txakurra beti geltokira itzuliko da. Baina egun batean, dena aldatuko da eta txakurra ez da geltokira itzuliko. Orduan, Mr. Train txakurra zenbat botatzen duen faltan konturatu eta bere bila abiatuko da. Aurkituko ote du txakurra Mr.Train-ek ? Erantzuna ezagutu nahi baduzue, ez ezazue galdu NOWHERE-era doan trena. Mr. Train eta txakurra zuen zain dituzue.

Ikusleak: Familientzako ikuskizuna (6 urtetik gorako pertsonentzat).

Iraupena: 50 minutu.

http://www.trukitrek.net

"Lur"

Eguna eta ordua
Lekua
Gezala Auditoriuma

Julian jostailu denda zahar baten jabe da. Egun gutxi barru Anek, bere bilobak, sei urte beteko ditu, eta opari berezi bat prestatzen ari zaio: berarentzat propio egindako panpina.

Anek eta Julianek bidaia zirraragarri bat hasiko dute panpinarekin batera, desioak betetzen dituen izar magiko baten bila.

Itxuraz abentura irudimentsua dirudienak Aneren eta Jonen, bere aitaren, arteko harremana berbideratzen lagunduko du. Azkenaldian Jonek onarpen arazo bat dauka. Izan ere, Ane mutila da.

Fitxa artistikoa

  • Egilea: Kepa Errasti
  • Zuzendaria: Getari Etxegarai
  • Zuzendari laguntzaileak: Xabier Ormazabal eta Xanti Agirrezabala 
  • Aktoreak: Kepa Errasti, Erika Olaizola, Mikel Laskurain, Nerea Gorriti
  • Argiztapen diseinua: David Alcorta
  • Eszenografiaren diseinua: Eider Ibarrondo, Isabel Acosta 
  • Eszenografiaren eraikuntza: Eskenitek
  • Musika konposizioa: Pascal Gaigne
  • Kartelaren diseinua: Ane Pikaza
  • Irudiak: Adrian Hernandez
  • Konpainia: Xake Produkzioak

Ikuskizunaren fitxa

  • Mota: antzerkia
  • Publikoa: haurrak
  • Hizkuntza: euskaraz
  • Iraupena: 55 minutu

Pirritx, Porrotx eta Marimotots: "Musua"

Eguna eta ordua
Lekua
Bekoerrota kiroldegia

Pirritx, Porrotx eta Marimototsen disko-liburu berria da Musua.

"Mundua mundu denetik, eguzkia biraka ari da eta gu haren inguruan. Eta dei egiten dio lurrari esnatzeko, azaleko zomorroak astindu eta mozorrotzeko.

Mundua mundu denetik, hartzak kobazulora sartzen dira neguko solstizioetan eta kilkerrak kanpora atera udakoetan. Eta guk dantzatu eta kantatu egiten dugu negu zein uda, egin arren euria, atera arren eguzkia, apurtu arren zeruan tximista…

Ihauterietan, San Joanetan, Gabonetan ohitura zaharrak mantendu eta berriak sortzera jolasten dugu.

Munduak biraka segi dezan. Eguzkiak ez ezik, musuek ere biraka jartzen dutelako mundua.

Eta musuek biraka jartzen gaituztelako gu.

Eta zu?"