6 zabor-edukiontzi baino gehiago bete dira Bakarraiztegiko errekastoaren garbiketan

Ar, 2022-06-07 11:07

950 kilo inguru zabor jaso dira.

Lezoko Udalak Gipuzkoako Foru Aldundiaren eskutik laguntza bat jaso zuen Bakarraiztegi errekastoan, Ipintza industrialdetik pasatzean, isurketak garbitzeko eta prebenitzeko.

Garbiketa-lanak egin ondoren, 6 zaborrontzi baino gehiago jaso dira, hau da, 950 kilo hondakin inguru. Gainera, hozkailu bat edo edukiontzietan sartzen ez ziren egurrezko oholak bezalako objektuak ere jaso dira.

Garbiketa egin ondoren, 110 metroko hesi bat jarri da, hondakinen isurketarik berriz gerta ez dadin; izan ere, ez da lehen aldia bertara iristea zaila den eremu hori garbitzen dena.

Azkenik, jarduera osatzeko, babes-elementuak jarriko dira hesiaren aurrean, inguruan aparkatzen duten ibilgailuek apurtu ez dezaten.

Jardueraren kostua, guztira, 15.996,41 eurokoa izan da (BEZa barne), eta Gipuzkoako Foru Aldundiak ahalik eta finantzaketa handiena eman dio proiektuari, 7.552,77 euro jarrita (diruz lagun daitekeen zatiaren % 75).

Joxean Sánchez Ingurumeneko zinegotziaren ustez, gaur egun Olazar errekan egin diren bezalako jarduerak Gobernu Taldeak udalerriko erreken ingurumen-kalitatea kontserbatzeko eta hobetzeko duen konpromisoaren adibideak dira.

Arloa edo saila