Abesbatza kontzertua

Giltzarri Abesbatza (Lesaka) & Sutargi Abesbatza (Lezo)

Giltzarri Abesbatza 1996 urtean sortu zen Abesbatzen musika bultzatzeko asmoz. Isabel Lacar izan dugu hasieratik zuzendari. 27 urte hauetan, mota guztietako errepertorioak landu ditugu, XVI. mendeko musikatik hasi eta gaur egungo konposatzaile berrien musika ere kantatuz Josu Elberdin, David Azurza, Eva Ugalde, Xabier Sarasola, René Zugarramurdi edo Javier Bustoren lanak abestuz, bai “a capella” nola pianoz lagunduta edo sinfoniko-koralak diren ikuskizunetan ere parte hartu duelarik, Giltzarri Abesbatzak urtero Bortzirietako haurren “kantu Taillerra” antolatzen du eta bertze Abesbatzekin ere Topaketa bat egiten dugu, aurtengoa 6.a izango delarik. Giltzarrik , bai Nafarroan, bai Euskal Erkidegoan, nola Kataluña, Gaztela-León, Austria edo Frantzian eskaini dittu bere kontzertuak. Gaur egun, Giltzarri 40 bat lagunek osatzen dute, Bidasoa inguru guztietatik etorriak, Baztanetik Hendaiaraino, astero elkartzen direnak landu eta berritzeko bere errepertorioak.

Kontzertu eta jardueretarako sarrerak doakoak dira edukiera bete arte