Altamira auzoan aparkatzeko txartela berritzeko azken egunak

Urte amaiera gero eta gertuago dugun honetan, Udalak gogorarazi du 2019a amaitzearekin batera, abenduaren 31n, Altamira auzoko Tomas Garbizu kalean aparkatu ahal izateko txartelaren erabilera epea amaitzen dela.

Ildo horretan jakinarazi du aipatu txartela berritu nahi duenak urriaren 30a arte izango duela eskaera egiteko aukera. Txartel berriak hiru urteko iraupena izango du, 2020ko urtarrilaren 1etik 2022ko abenduaren 31a arte, alegia.

Eskaera egiteko bi bide izango dira aukeran:

  • Aurrez-aurre: eskaerak informazio bulegoan egingo dira, 8:30-13:30 bitartean eta aurrez 10€ko tasa ordaindu behar da.
  • Telematikoki: www.lezo.eus webgunearen bitartez ere egin ahal izango da eskaera B@kq edo ziurtagiri elektronikoa erabiliz. Kasu honetan ere 10€ko tasa ordaindu behar da eta ziurtagiria atxiki eskaera egiterakoan.

Eskaera egiteko bete beharreko baldintzak ondorengoak dira:

  • Lezon erroldatuta egotea
  • Ibilgailua Lezon alta emanda egotea
  • Udaletxearekin zorrik ez izatea

Behin eskaera egin eta txartela prest dagoenean, udaltzaingoaren bulegoan jaso beharko da eta horretarako, udaltzainen deia jasoko dute herritarrek.

Informazio gehiago jaso edota zalantzak argitzeko, udaltzaingoarekin jarri harremanetan 943 52 40 03 telefonoan.

Arloa edo saila