- AKTA ONARTZEA.
- 1.- Egoki irudituz gero, 2005eko otsailaren 28an egindako bilkurako akta onartzea.
- ALKATETZA ETA DELEGATUAK
- 2.- Alkatearen erabakien kontu ematea.
- HIRIGINTZA, OBRA ETA ZERBITZUAK
- 3.- Idoia López Erasunek Calderería Pasajes S.L.ren ordezkaritzan eskaturik, tramitatzen ari den jarduera espedientearen aldeko informearen proposamena, Itturrin Kaleko 39-41.ean (Itturrin poligonoa) kokaturiko pabilioian, kaldereria jarduera legalizatzeko.
- 4.- Lezoko Udalaren jabegoko txabola eta lur-sail bat erabiltzeko baimena Margarita Aiorgari emateko proposamena, Apaiziartza berri baserriaren inguruan (Jaizkibel Mendia).
- 5.- José Antonio Oroz Legorbururi obra lizentzia emateko proposamena, Donibane kalea 6 etxearen fatxada birgaitzeko.
- GALDE ESKEAK.
- Aktaren bukaera.
Lezon, 2005ko martxaoren 14ean, goizeko 9:15 orduetan hasi du Tokiko Gobernu Batzarrak BILKURA OHIKOA Tokiko Gobernu Batzar Gelan lehen deialdian Kepa Garbizu Azkue alkatearen lehendakaritzapean, Jesús Mª Martiarena Jaca, Iñake Urrestarazu Azurmendi eta Aroia Goienetxea Egibar bertan direlarik.
Idazkari gisa Xabier Loiola Aristi aritu da.
1.- Egoki irudituz gero, 2005eko otsailaren 28an egindako bilkurako akta onartzea.
Akta onartu da.
2.- Alkatearen erabakien kontu ematea.
Alkateak azken Gobernu Batzarraren ondoren emandako dekretuen kontu eman du.
HIRIGINTZA, OBRA ETA ZERBITZUAK
3.- Idoia López Erasunek Calderería Pasajes S.L.ren ordezkaritzan eskaturik, tramitatzen ari den jarduera espedientearen aldeko informearen proposamena, Itturrin Kaleko 39-41.ean (Itturrin poligonoa) kokaturiko pabilioian, kaldereria jarduera legalizatzeko.
Idoia López Erasunek Calderería Pasajes S. L.ren ordezkaritzan eskaturik, tramitatzen ari den jarduera espedientea azterturik, eta udal teknikariaren txostena ikusirik, aldi berean, Hirigintza, Obra eta Zerbitzuetako zinegotzi delegatuak proposaturik, Tokiko Gobernu Batzarrak ondorengo ERABAKI hauek hartu ditu:
BAT: Espedientearen aldeko informe ematea, Itturrin Kaleko 39-41.ean (Itturrin poligonoa) kokaturiko pabilioian, kaldereria jarduera legalizatzeko.
BI: Espedientea Eusko Jaurlaritzako Lurralde Antolamendu, Etxebizitza eta Ingurumen Sailera bidaltzea, behar diren neurri zuzentzaileak ezar ditzaten.
4.- Lezoko Udalaren jabegoko txabola eta lur-sail bat erabiltzeko baimena Margarita Aiorgari emateko proposamena, Apaiziartza berri baserriaren inguruan (Jaizkibel Mendia).
Margarita Aiorgak, Apaiziartza berri baserriaren inguruan dagoen lur-sail baten zati bat, gehienez 5 urtez erabiltzeko baimena eskatu du. Eskatu den lur-sail zatiaren azalera 4.450 metro koadrokoa da.
Lur-sail hau, katastroan 1 poligonoko 23 zenbakidunaren zati bat da, Lezoko Udalaren ondasun patrimoniala da, beraz Toki Entitateen Ondasunen Erregelamenduko 92 eta hurrengo ataletan arautzen da ondasun mota honen erabilera eta aprobetxamendua.
Atal honen arabera ondasun patrimonial baten erabilera kontratuaren prestaketa eta esleipena Toki Administrazioen Kontratuen legediarekin bat etorriko da eta erabileraren iraupena 5 urte baino luzeagoa bada edo ondasunaren balioa aurrekontuko errekurtso arrunten %5 baino handiagoa bada enkantea egitea beharrezkoa izango da.
Eskatu den lur-sailaren eta txabolaren balioa ez da aurrekontuko errekurtso arrunten %5era inguratu ere egiten, dena den hori frogatzeko derrigorrezkoa da teknikari batek txostena egin dezan. Bestalde eskatu den erabileraren iraupena 5 urte baino laburragoa denez ez da derrigorrezkoa enkantea egitea lur-sailaren erabilpena esleitzeko.
Udal Arkitekto Teknikariaren txostena ikusirik, txabola eta lur-sail honen balioa 8.010 ?takoa da, hots metro koadroko 1,80 ?koa.
Toki Entitateen Ondasunen Araudi Orokorreko 92 artikuluaren arabera erabili nahi den lur-sailaren balioaren %6ko kanona ordainarazi behar dio Udalak erabiltzaileari.
Hori ikusi ondoren, eta Hirigintza, Obra eta Zerbitzuetako zinegotzi delegatuak proposaturik, Tokiko Gobernu Batzarrak honako ERABAKI hauek hartu ditu:
BAT: Margarita Aiorgari urte betetarako baimena ematea aipatu lur-saila erabiltzeko.
BI: Urtean 480,6 ?tako kanona ordaindu beharko du Margarita Aiorgak.
5.- José Antonio Oroz Legorbururi obra lizentzia emateko proposamena, Donibane kalea 6 etxearen fatxada birgaitzeko.
Donibane kalea 6 etxearen fatxada birgaitzeko, oinarrizko segurtasun eta osasun txostena, eta obra lizentzia eskaera egiteko eskabidea aurkeztu ditu José Antonio Oroz Legorburuk.
Udalak Donibane kalea birgaitzeko obrak lehenbaitlehen hasi nahi ditu eta, bi obra horiek elkarri trabarik ez egiteko, Hirigintza, Obra eta Zerbitzuetako zinegotzi delegatuak koordinatuko du gaia eskatzaileekin, eta berari uzten zaio kasu honetan baimena emateko ahalmena.
Ez da ezer galdetu.
Alkate-lehendakariak, aztertzeko ziren gai guztiak aztertu ondoren, 9:35 orduetan eman dio buru bilkurari. Idazkari naizen aldetik, akta xxxari naizen aldetik, akta 309.992 elecciones de 2004.deetarako hauteskunde-mahaien zerrendaren onarpena.
eko pabilioiaren instalatik xxxxra eta zenbakiak dituzten orri ofizialetan jaso eta sendespena ematen diot, nik eta bilkuran izan diren zinegotziek izenpetu dugun akta honi.