Igandean, Gipuzkoako eskrimak bere Eskolarteko Txapelketak ospatu zituen Donostian. Gipuzkoatik etorritako hirurogei ikasle bertaratu ziren. Familiak eta lagunak bertan izan ziren Pio Baroja Kiroldegiko harmailetan. Gainera, lezoar ikasleen parte hartzea oso ona izan zen. Markel Amatek (Pasai-Lezo Lizeoa) irabazi zuen txapelketa eta Eneko Castillo izan zen txapeldunordea. 21/22 Ligako lehen eta bigarren postuak ere lortu zituzten, txapelketa hau Ligako azken jardunaldia baitzen. Benjamin kategorian, Ekhi Ayestaranek (Lizeoa) beste podium bat lortu zuen, eta horrela, urteko erregularrena bihurtu zen.
Amaiera polita izan zen Lezoko “tiratzaile”-en lehen promozioarentzat, eta gainera etorkizun handia dute. Eskrima UDA-ikastaroetan itzuliko da Bekoerrotan.
Lezoar ikasleen emaitzak:
Haur Maila: 1. Markel Amat (Lizeoa); 2. Eneko Castillo (Lizeoa); 9. Nico Infante (Lizeoa). - Kimu Maila: 6. Ibai Makibar (Lizeoa). - Benjamin Maila: 3. Ekhi Ayestaran (Lizeoa); 5. Aratz Ayestaran (Lizeoa).