Haur jarduera

Burbuila eta gauza biribilekin maiteminduta dagoen musikaria da Roger. Bere etxean dena da biribila, eta gauak eta egunak ematen ditu burbuilak egin nahian bere tronpetarekin, lortu gabe.

Egun baten, ametsetan, Bombaliara heltzen da, burbuilen herrialdera, eta han, maitagarri bat ezagutzen du, Bumbú, bihurri, alai eta ikusnahia, mugimenduaren bitartez komunikatzen dena, hitzak erabili gabe. Maitagarria, ikusirik Roger ez dela gai burbuilarik egiteko benetako munduan, Bombaliatik joango da bere helburua lortzen laguntzeko.

Ume eta helduen irudimenarekin jolasten den proposamen bisual eta plastikoa, dena posible den espaziora garraiatuz. Mundu fantastiko batetik doan ibilbidea, burbuila, paper, argi eta iluntasunez betea. Ikuskizun magikoa. Ikusleek, partaide aktibo, ezin izango dute beste alde batera begiratu.

• IDEIA ETA SORKUNTZA: Compañía Múcab Dans
• ZUZENDARITZA: David Pintó
• KOREOGRAFIA ETA DANTZARIA: Irina Martínez
• MUSIKARIA: Joan Laporta
• IRAUPENA: 50'
• HIZKUNTZA: Testu barik
• IKUSLEA: +3 urte

Amila bederatzi urteko neskatoa da eta jaio zenetik osasun arazoak izan ditu, baina azkenaldiko zorabioek eta buruko minek ospitaleratu egin dute, oraingo honetan luzerako. Ospitalean bere lagunik onenak ditu: Fede, Mai eta Tximas. Bitartean, mundu mitologikoan gorabeherak egongo dira, eta Tasuri gaiztoa Amila bahitzera joango da. Berak ez dakien arren, Amila da mitologiaren azkeneko lamia, Intza lamiaren eta gizaki baten alaba, eta bere urrezko orraziak boterea emango lioke Tasuri gaiztoari. Tasuriren mandataria, ordea, nahastu egingo da eta Mai eramango du Amilaren ordez. Une horretatik aurrera, Olentzero, Amila, Fede eta Tximas mundu mitologikoan barneratuko dira Mairen bila, baita urrezko orraziaren bila ere.

Sagu txiki bat poz-pozik dabil basoan. Gosetuta dago, eta, sabela betetzeko, hurren bila joatea erabaki du. Bidean, bera bezain gosetuta dauden azeria, hontza eta sugea topatu ditu. Hirurek etxera gonbidatu nahi dute bazkaltzera, baina sagua ez da haien asmoez fio, eta, modu atseginean, ezetz esan die haien gonbidapenei; izan ere, grufaloarekin hitzordua du! Baina zer da grufalo bat?

Ezagutu Grufaloaren eta haren alabaren mundu liluragarria. Julia Donaldson idazleak, haur-literatura modernoan erreferentea denak, sortutako samurtasunez eta balioz betetako bi abentura dira.

• Grufaloa filmaren fitxa
  

T. S. Spivet bere familia bitxiarekin Montanako arrantxo batean bizi den hamabi urteko jenioa da. Kartografiarako eta asmakariak sortzeko daukan talentuak ordainsaria jasoko du, zientzia-erakunde batek izen handiko sari bat eman behar baitio. Maleta hartu eta ia herrialde osoa zeharkatuko du saria hartzeko.

Informazio gehiago filmari buruz

Bram 6 urteko haur bat da eta ez da gelditu ere egiten. Alaia da, kementsua, benetako abenturazale eta asmatzailea. Eta gainera, izugarrizko irudimena du. Bera inguratzen duen munduak pentsatzeko asko ematen dio eta "Izen onenen" eta "Hitz onenen" bilduma egiten du liburuxka batean.

Bram "handien eskolara" joan eta lehenengo mailan hasteko desiratzen dago, baina Fish Jauna zorrotzaren gelan tokatu zaio. Bere irakasle berria, hertsi eta disziplinazkoa da eta ez zaio axola Bram-en barne mundua. Gure protagonista txikia, geratu gabe mugitzen da, eta ez da sekula eskolako lanetan kontzentratzen. baina Fish jaunak ahalegin guztiak egingo ditu Bram-en gauzak "behar diren bezala" egiteko.

Bram-en gurasoek zailtasunak izango dituzte semearen zoriontasuna eta irakasle berriaren egiteko modu berrietara moldatzearen arteko oreka lortzeko.

Bram Barrabas filmaren fitxa

Iratxoek udaberria ekartzen digute urtero. Tim lehen aldiz iritsitako iratxoa da. Feriako soinu erakargarriarekin nahasita, gainerako iratxoengandik bereizi da. Eta Samuel eta Vladek harrapatu dute, zirkuko atrakzio gisa esplotatzeko.

Teresa 6 urteko neska da, eta jeloskortasun handia agertzen du neba txikiaren aurrean. Ferian, Tim ikusi du jendaurrean ikusgai, eta hura gutiziatu du. Timentzat, berriz, ihes egiteko aukera da neska. Teresaren etxean ezkutatuko da Tim, eta haren babespean biziko da. Elkarrekin, hainbat abentura biziko dituzte, eta lagun bereizezinak izango dira.

Denborarekin, Tim aldatzen hasiko da. Bere mundutik eta bere ingurukoengandik urrun denbora gehiegi daramala ikusiko du. Tim salbatzeko aukera bakarra itzultzen laguntzea izango da. Denborarik galdu gabe! Baina kontuz! Vlad zelatan dago!

Filmaren fitxa

Jon Braun beti ilusioz aurrera egiten duen indio txiki bat da. Jon Braunek munduko Jon Braun txiki guztiak hurbildu nahi dizkigu aretoko eserleketara.

Indio ttipien herrian natura, zoriona eta poza dira nagusi, baina, bat-batean, zoritxarra beraien herrira heldu da. Ezustean, Jon Braun txikia bakar-bakarrik geratu zaigu, baina han, urrunean, bere arreba nagusiak ez du inoiz ahaztu eta ez du bera topatzeko saiakeran inoiz etsi.

Jon Braun zoritxarren aurrean maitasunak ematen digun ausardiaz mintzo zaigu

Anita Maravillas konpainia, titereen hizkuntza ikerketa, estetika zaindua eta umorea uztartuz, familia osoaren gozogarri bihurtzen da. Oraingo honetan Jon Braun, Imanol Urbietaren abestiko indio ezaguna, aukeratu du, neba-arreben arteko loturaz hitz egiteko, abenturaz eta maitasunez beteriko western batean.

• Konpainiak: Anita Maravillas & Portal 71
• Zuzendaria: Iván Alonso
• Antzezleak: Valentina Raposo, Miren Larrea
• Musika: Fran Lasuen
• Eszenografia: ATX Teatroa
• Argiztapena: Ion Chávez